авторефераты диссертаций БЕСПЛАТНАЯ БИБЛИОТЕКА РОССИИ

КОНФЕРЕНЦИИ, КНИГИ, ПОСОБИЯ, НАУЧНЫЕ ИЗДАНИЯ

<< ГЛАВНАЯ
АГРОИНЖЕНЕРИЯ
АСТРОНОМИЯ
БЕЗОПАСНОСТЬ
БИОЛОГИЯ
ЗЕМЛЯ
ИНФОРМАТИКА
ИСКУССТВОВЕДЕНИЕ
ИСТОРИЯ
КУЛЬТУРОЛОГИЯ
МАШИНОСТРОЕНИЕ
МЕДИЦИНА
МЕТАЛЛУРГИЯ
МЕХАНИКА
ПЕДАГОГИКА
ПОЛИТИКА
ПРИБОРОСТРОЕНИЕ
ПРОДОВОЛЬСТВИЕ
ПСИХОЛОГИЯ
РАДИОТЕХНИКА
СЕЛЬСКОЕ ХОЗЯЙСТВО
СОЦИОЛОГИЯ
СТРОИТЕЛЬСТВО
ТЕХНИЧЕСКИЕ НАУКИ
ТРАНСПОРТ
ФАРМАЦЕВТИКА
ФИЗИКА
ФИЗИОЛОГИЯ
ФИЛОЛОГИЯ
ФИЛОСОФИЯ
ХИМИЯ
ЭКОНОМИКА
ЭЛЕКТРОТЕХНИКА
ЭНЕРГЕТИКА
ЮРИСПРУДЕНЦИЯ
ЯЗЫКОЗНАНИЕ
РАЗНОЕ
КОНТАКТЫ


Pages:     | 1 |   ...   | 3 | 4 || 6 |

«Глава 1. «Сказание» инока Евфросина: источниковедческое изучене памятника Санкт-Петербургская государственная консерватория им. Н. А. Римского-Корсакова ...»

-- [ Страница 5 ] --

Посреди бо послушающих и сопротивляющихся праведный судия Бог венчатель и мучитель: и послушающия венчает, супротивляющияжеся мучит. Кождо бо свое бремя понесет, рече божественное слово, и еже кождо сеет, то и пожнет. Здравст вуйте о Господе всегда и мене во святых своих молитвах поминайте. Аминь.

* вскую ты поведаеши оправдания моя – Пс.49:17.

** мнози есмы глаголющии, мали же творящии, но убо слово Божие никтоже таити должен своего ради небрежения – Максим Грек.

*** лучше бо истинное не познати, нежели познавши приобидети. Ср.: Лучше бо бе им не познати пу ти правды, нежели познавшым возвратиться вспять от преданные им святые заповеди. Случися бо им истинная притча, пес возвращся на свою блевотину, и свиния омывшися, в кал тинный. 2Петр.2:21–22.

Что убо реку и что возглаголю? Мню яко не ино что точию пророческое слово, мою, аще и всех душу окаяннейшу поутверждающее еже рече: утвердися сердце мое о Господе, вознесеся рог мой о Бозе моем, разширишася уста моя на враги моя, л. 36 об. возвеселихся о спасении твоем, яко несть свят яко Господь и несть праведен яко Бог наш, и несть свят паче тебе. Свидетельство от божествен наго писания, яко подобает пресвятое имя божие аще и в пении по достоянию на рицати. Зане и пророк глаголет: Господи Господь наш, яко чудно имя твое по всей земли* и похвалятся о Тебе любящии имя Твое**. И повем имя Твое братии моей.

Посреде церкви воспою Тя***. Ты же Господи не удали помощь Твою от мене, на заступление мое вонми****. Трудолюбнии от земледельник внегда аще видят древо бесплодно и непитомо, тех губящее труды и корене дебельством и тяготою сени растлевающее сады со мнозем тщанием отсецают то л. 37. множицею же тем ветр от некуду нашед сприкасается сечению ветвем древа припад и со многою потряс зелостию, сломи же и на землю поверже, и от труда вящшее тем облегчи. Тако убо и мы древо посецаем дивие и непитомое, еже есть нечестие. Но молим Бога посла ти нам духовную благодать, яко да ветра всякаго зельнейше преложшеся из коре ни исторгнем нечестия множайшии нам облегчающи труд. Се бо не где и земля оляденевши и земледелнических не восприимши рук, злая былия и терния множе ства и древеса дивия прорасти от своих недр множицею. Тако и души еже от писа ни пользы не насладившияся, от себе самех дивию сию злобу и непитомое л. 37 об.

израстиша нечестие. Сие бо древо ни Павел насади, ни Аполлос напои, ни Бог воз расти, но насади убо ненаказание и непочитание божественнаго писания, напои же возношение и величание, возрасти же славолюбия желание, якоже и Златоустый глаголет, на еже к римляном в предисловии: ибо отсюду бесчисленная прорасто ша злая от неразумения писаний, отсюду многая ересей прозябе пагуба и потреба нам духовнаго пламене, яко да не точию исторгнем, но и сожжем злый сей корень грубоумия ереси. Призовем убо самаго хотящаго всем человеком спастися и в ра зум истиный приити Бога, и помолим, яко да и язык наш якоже павлов достоин будет прияти Христа, оная токмо вещати, л. 38. еже христови любимая воздвигнет и мысль нашу к явственнейшему управит разуму. О том бо самом и того славе весь труд наш есть, паче же о спасении нашем. Бога бо никтоже ниже бесчестия повредити может, ниже хваля светлейша изъявит, но в своей присно пребывает славе, ниже благохвалением возрастая ниже умаляем злохулением от человек.

Ови убо славяще его по достоянию, паче же по достоянию убо никомуже мощно есть противу же силы своея, яже от славословия пользу плодят. Хулящии же его и охуждающии свое погубляют спасение, якоже и преосвященный Афанасий, пат риарх Александрийский, вещает глаголя: иже хощет спастися, прежде всех подо бает ему держати л. 38 об. кафолическую веру, ея же аще кто целы и непорочны не соблюдает, кроме всякаго недоумения во веки погибгет*****. Вера же кафолическая сия есть, да единаго Бога в Троице и Троицу во единице почитаем, ниже сливающе составы, ниже существо разделяюще, и паки тоже един убо есть Отец не три отцы, един Сын, а не три сыны, един Дух святый. А не три дуси святии. Сие бо добро и приятно пред спасителем нашим Богом, иже всем человеком хощет спастися и в разум истины приити, якоже Павел великий глаголет: един бо есть Бог, един и хо * Господи Господь наш, яко чудно имя твое по всей земли – Пс.8:1.

** похвалятся о Тебе любящии имя Твое – Пс.5:13.

*** повем имя Твое братии моей. Посреде церкви воспою Тя – Пс.21: **** Господи не удали помощь Твою от мене, на заступление мое вонми – Пс.21:19.

***** иже хощет спастися, прежде всех подобает ему держати кафолическую веру, ея же аще кто целы и непорочны не соблюдает, кроме всякаго недоумения во веки погибгет – Символ святого Афанасия Великого, патриарха александрийского. Псалтирь с восследованием. Моск. Печат. двор, 1632 г.

датай Бога и человеков*. Толкуя же сие Златоустый глаголет: якоже бо тамо рече:

един Бог Отец и един Иисус Христос, сице и зде, един и един. Не полагает л. 39. двух понеже бо о многобожии беседование, да не похитит кто двух числа во многобожие, един и един положи, о сем и Павел апостол написал сице паки глаго ля: един Бог Отец, из него жн вся и мы у него, и един Иисус Христос, имже вся и мы тем. И един Дух святый, в нем же всяческя и мы в нем, токмо един преложил и показал, дабы не многобожие вводили невернии по своему мнению, но единаго Бо га Отца нарекл не отметая Сына от Божества, такоже и единаго Господа нарекл, не отметая от господства отца, сице же рекл онех неверных немощь направляше.

И явно единость и истину и силу божественную л. 39 об. показал, иже яко един Бог Отец, из него же вся и мы у него, и тако един Господь Иисус Христос, им же вся и мы тем, тако и един Дух святый, в нем же всяческая и мы в нем. И тако вера пра вославная сице предлежит: веруем и покланяемся единому Богу в Троице во един стве лицем убо разделенной, а во единстве не разделенной. И тако вси святии еди наго Бога сказуют в Троице, и единаго Господа Иисуса Христа рожденна от Отца прежде всех век. В последняя же лета рождьшася того же от Пречистыя Девы Марии Богородицы и Духа Святаго, иже от Отца исходяща. Тако вся божествен ныя книги славят, яко един сый от Троицы, от единыя Богородицы единою роди ся Господь Иисус Христос л. 40. Сын Божий спасения нашего ради и пострада пло тию от богоборец жидов. Но в нынешнем роде диавол хотяй погибели человеком, введе кознию своею в слабоумныя люди, еже писати в певчих переводех, сиречь во Ирмолое и Стихиралех не истинною слово, якоже здравый разум словес лежит в словенском языце, якобы во объятии сна чешеми, слухом к баснем уклонишася, влающеся и скитающеся во всяком ветре учения во лжи человечестей, в коварст ве козней лщения. Оставльше здравый разум словес, забывше реченное, еже и все преподобнейший Иоанн, дамасково солнце, рече: ничто же разума есть честнейше, ибо разум свет души л. 40 об. словесныя. Такоже паки неразумие тма есть. Что же к таковым не ино что, точию Павла же апостола во ответ приведем, еже рече к Ти мофею, якоже, рече, умолих тя пребыти во ефесе, идый в Македонию, да запрети ши некоим не ходити к иным учителем, ниже внимати баснем и родословием бес конечным, яже стязания паче творят, а не Божие строение еже в вере**. Их же не ции погрешивше уклонишася в безумная словеса, хотяще быти законоучители не разумеюще ни яже глаголют, ни оних же утвержаются, якоже и ныне в нас дейст вуемая содеваются, оставльше свет, тьму возлюбивше. Оставльше здравый разум словес, в безумие уклонишася. л. 41. Оставльше церковных книг разум и речи, си речь октаев и триодей и миней и певчих переводов глупых писцов разуму и безу мию их последуют и внимают и зело к ним не имущии разума и ведения в божест венных писаниих прилежат. О них же ясно Павел апостол глаголет, не разумеюще бо Божию правду, и свою правду имуще поставити правде Божией не повинуются и неточию Богу славу и честь сими приносят, но паче и хулу и ругательство ему творят, паче же ересь. По истине убо с Павлом же рещи пристоит к сицевым еже рече к Тимофею: скверных и изгнавших басней отрицаяйся, обучай же себе к бла гочестию***. Сице и нам соборныя церкве чадом от безумия л. 41 об. много же мно жае рещи паче от злославия, сиречь от еретичества подобает отвращатися и при ступати к здравым словесем в пении церковных книг, якоже в нашем словенском языце разум речи слежит, а певчим переводом глупых писцов не последовати, да имя Божие хулится. Что же к сим рещи любоспорливым не по правде? Точию * един бо есть Бог, един и ходатай Бога и человеков – Тим.1:5.

** умолих тя пребыти во ефесе, идый в Македонию, да запретиши некоим не ходити к иным учите лем, ниже внимати баснем и родословием бесконечным, яже стязания паче творят, а не Божие строе ние еже в вере – 1Тим.1:3-4.

*** скверных и бабиих басней отрицаяйся, обучай же себе к благочестию – 1Тим.1: вкратце любо художных благочестие гонящих и подражающих сердцам разума в восприятие, во обличение безумия речем. В первом гласе в пятой песни ирмос:

начало ему Божию неизреченною доброту. И в том ирмосе пишут и поют девиче ски из утробы темено имой восени воплощеся восия солнце. Зде да явит нам л. 42.

кто на сем разуме стояй и разум слова сих речений похваляяй, молим и просим:

страшит бо нас сий приклад, еже речеся девически из утробы и прочая в нем, а наипаче же сие: о злаго сего приклада в правду же рещи безумия. Которая похвала Христу Богу нашему, еже петися ему и почитатися по девочески родитися или ро ждену быти, а теменоимой восени, се и не вемы что. Како убо кто сие безумие хва лит, да повесть? Мы же не сами собою, но свидетельство вземши от блжественных писаний из минеи печатной, пишет же тамо сице, внимай. Божественную и неиз реченную доброту добродетелей ти Христе исповем: от присносущия бо славы сприсносущное составное облиста сияние л. 42 об. от девственныя утробы сущим во тьме и сени воплощся восиял еси солце. Се есть здравый разум словес. А в иных переводех из девственныя утробы темным в сени воплощся восия солнце, а не де вически из утробы, но от девственыя, или из девственыя утробы. Се есть правда.

И еще во втором гласе в третей песни ирмос: крепость даяй царю нашему Гос подь, и рог христа своего возносяй, от девы раждается, идет же к крещению и про чая ирмоса того, и инии ирмосы писаны по достоинству и по разуму, якоже речь словенскаго языка церковь Божия поет. Сице зрим писано и в харатейном древ нем ирмолое, и явлено л. 43. в сем, ниже в едином слове во всех ирмолоех писано сице: якоже ныне новосоставленых ирмолоех пишут и поют не писаную, и пагуб ную вельми, паче же ересь якоже и сий ирмос, о нем же варив рех, крепость даяй царю нашему, и прочая: егда бо поюще глаголю от Девы раждается. Кто суть от Девы раждается, или кий? Яве по них многих поведают раждающихся, а не едина го Христа. Се есть зло сице мудрствовати и пети, еже от Девы раждаетеся. Не буди тако нам глаголати и пети. Но благочестиваго восточнаго церковнаго исполнения церковь поет сице: Крепость даяй царю нашему Господь и рог христа своего воз носяй, от Девы раждается л. 43 об. грядет же ко крещению. Тем вернии возопием, несть свят якоже Бог наш. А в певчих ирмолоех пишут и поют идете же ко креще нию: и по сему глагол будет повелительнаго наклонения якобы повелевает мно гим, а не ведомо кому, а в сущем разуме про Христа Бога нашего глаголет в пове стном творец, к третиему лицу: крепость даяй царю нашему Господь и рог христа своего возносяй, от Девы раждается, грядет же, или идет же ко крещению, тем вернии возопием несть свят, якоже Бог наш, сице подобает пети и писати, а не та ко, якоже в певчих переводех. Внимай, како и царь и богоотец и пророк Давид, научая ны глаголет л. 44. пети, пойте Богу нашему, пойте, пойте, рече, пойте царе ви нашему, пойте, яко царь всей земли Бог, пойте разумно. Где же разумному пе нию быти, не исправя переводов раскаженных от глупых писцов. Не токмо ра зумно пети, но и большую пагубу на себе привлачим и хулу и злославие на Бога содетеля нашего и творца составляем, якоже впреди объявится. Ирмос в пятом гласе в пятой песни в певчих переводех написан сице, и поют тако во всю Росию:

паче же не поют, но досаждают Богу и хулу на Него приводят. Окаянную душу мою в нощи борющуюся со тмою страстей вариво ущедри и восияй мысленное солнце дене светящия луча во моне, да озарите л. 44 об. тя нощный свето. Внимай, всяк православный, поминая Давыдо слово, яко рече, пойте Богу разумно, такоже и шестаго вселенскаго собора правило 75-е глаголет: ниже что да проглаголют от неприличных церкви и не своих. Златоустый же не просто рече усты, но со внима нием. Сие бо есть Богови пети, оно же воздуху. Где же быти вниманию, где быти разуму в пении, не исправя переводов и речей в них богомерзостных и богостуд ных, якоже и в сем ирмосе, его же варив рех. Зри конца по начале ирмоса яко гла голете по безумных в нем да озарит тя нощный свет. Вопрошаем их, кого яве по них, яко самаго Бога? О нечестиваго безумия! О хулы л. 45. богостудныя, паче же злославие богомерзкое. Како терпиши, Создателю, наш, хулу от нас приемля. Ве лия милость Твоя на нас, Господи, и еще велие человеколюбие, яко не погубил еси нас с нечестивыми, но ожидаеши грешники в покаяние. Что же? В ирмосе в доб рых переводех разум сице лежит: Бога ради внимай всяк православный и нас о Господе просвещай и способствуй, яко едино тело есмы единыя церкве уды. Нач нем же сице. Окаянную душу мою нощно борющуюся со тмою страстей предварив Христе ущедри, и восияй мысленное солнце дне светящия лучи во мне разсецати от нощи свет. Истинаго же ради извещения в греческом дозрим, а сие зело бого студно, како сий ирмос пишут и поют л. 45 об. во ирмолоех. Не даждь нам Господи сего ни слышати, а не точию писати и пети. Тако же и во иных бесчислено многих речех богословных паче же во именех Божиих пишут и поют зело богостудно. Аще бо и спроста ныне тако пишут и поют, но сатана тако пети и писати не спроста введе, но на погибель нашу. Может бо и от патерика или от пролога всяк познати, яко двоих ради слов еретических Пречистая Богородица не вниде в храмину Ки риака презвитера. Иже потом рече, не имех бо ползы никоея от них, токмо поги бель приобретох. Аще ли же сей Кириак презвитер не ведая имел у себе в храмине та два слова еретическя, и того ради не вниде к нему л. 46. в храмину Пресвятая Богородица, тем же и рече, яко не имех ползы никоея от них, токмо погибель себе приобретох. Како не погибель нам писати в Ирмолоех и по них пети и вместо бо гословия Богу приносити ересь и хулу? Ересь бо воистину и хула еже писати и пе ти, от Девы раждаетеся и идете же ко крещению, то уже о трех глаголется или многих.

Яве по сему многобожию быти. Но несть се несть. Ибо един Сын Божий воплотися в Деву и родися от Нея, якоже глаголет Анастасий блаженный патри арх великия Антиохии, и Кирилл александрийский, или мы младенцы пяти лет суще и не можем разумети, еже не по достоянию, паче же хулу поюще, глаголем, егда в пении глаголем л. 46 об. от Девы раждаетеся, или Христос раждаетеся. Тако же и во иных многих ирмосех и степеннах поем речи не по достоянию и не здра вым разумом слова, паче же аще бы и пятим летом младенцы суще быхом были, ни тако избыли быхом родства огненнаго на веки, таковую хулу в пении глаго люще. Якоже поведает святый Григорий Двоеслов во граде рече сем. Муж некий иже всем ведом прежде сих трех лет сына имяше, его же мню пятим летом суща возрастом. Его же зело плотьски любя, не наказана его воспита. Тем же отрок и обычай некий зол навык, его же стыжуся, не могу изрещи. Но просто реку хуляше величие божие. Смертоносию же л. 47. пришедшу на град той, реченный той отрок в болезнь впаде и к смертному концу абие приближися, да яко держа его отец в недру своею яко же бывшии ту поведают. Лукавыя духи к нему пришедшия отрок видев, трепетати нача и звати отмсти мене отче, отмсти. Сими же гласы часто взывая, преклонив главу в недра отца своего, хотя скрытися. Сего трепещуща отец видев вопроси его, что зрит. Отрочищ же отвещав рече: чернии человецы приидоша и пояти мя хотяще, и сия рекшу и великолепное Имя Божие похули, и по сем душа его от тела изыде. Хотя показати Бог коего ради греха сицевым слу гам предася, еже и еще живу сущу ему л. 47 об. возбранити ему не восхоте, отец его, его же Божие благоутробие хуляща в житии терпяше, правым своим судом и уми рающа попусти. Яко да сего грех отец его разумеет иже в небрежении души мала го сына своего, велика паче грешника воспита родству огненому. Сия бо поведа Григорий Двоеслов. Слышим же прочее и божественнаго Иоанна Златоустаго, на казующа нас, яко да не лестимся и неведанием зло творяще оправдатися: ниже мнети рече, доволно быти на ответ неведение. Есть бо есть и о неведении прияти месть, егда неведение не простительное будет. Понеже иудеи не ведеша, и еллины не ведеша, но ответа не имут л. 48. достойна. Егда бо убо сих не веси яже немощно ведети никоеже удобная и возможная суть ведена быти последнюю приимеши месть.

Сия же убо словеса божественнаго Златоуста дамаскинский же Иоанн в первых ересех полагает неведение, яко же являет преподобный Никон. Мы же да истя жемся, возможно ли нам сие видети или ни? Ей возможно. Книгу бо токмо куюждо аще хощет кто разгнути и везде обрящет писано Божие имя по разуму граммати ческаго художества, и по природной речи нашего словенскаго языка: в правом падежи той Бог а не Бого. Господь, а не Господе. Той Христос а не Христосо. Спас а не Сопасо, что много глаголем? Сам Господь наш л. 48 об. Иисус Христос споспе шествует ны, глаголя, тати и разбойники сих нарицает, иже вне писаний законо полагают воистину тати по писанному, яко окрали разум благочестия словес.

Вместо чистых божиих словес нечистых и гнусных и мерзостных и смехотворных насеяша, сиречь написаша. Господь сам глаголет, аминь аминь, глаголю вам, не входяй дверьми во двор овчий, но прелазя инуде, той тать есть и разбойник*. Во истину тати суть сии, иже в певчих переводех мимо божественное писание речи исказили и изгубили. Ей всяко зри всяк зде истиннаго извещения разума имен.

Мужескаго рода числа единственнаго. Правый: той Христос Бог Спас. л. 49. Род ный: того Христа Бога Спаса. Дательный: тому Христу Богу Спасу. Виновный:

того Христа Бога Спаса. Звательный: о Христе Боже Спасе. Творительный: тем Христом Богом Спасом. Сказательный: о том Христе Бозе Спасе. Притяжатель ная имена: Божии, Божияго, Божиему, Божияго, Божии, Божиим, о Божием или о Божии. И вне сего в единственном числе нашем славенском языце ничтоже есть:

[здесь возобновляется список Пог. 1559] сими падежьми праведно глаголати Божие имя, Спаса Христа истиннаго Бога нашего, а не Бого и Христосо и Сопасо. Да по кажет нам кто любоспорливый писания истиннаго свидетельство, аще истинна суть, еже рещи Бого и Христосо и Сопасо, покоримся, послушаем. Аще же не ука жет от л. 49 об. писания свидетельством истинным, что то есть Христосо, Бого, Со пасо, и которого рода, и падежа, и числа. Не мы, но Павел великий сосуд Божий избранный, той отвещавает, яко же рече к Тимофею в первом послании: да запре тиши неким не ходити ко иным учителем, ниже внимати баснем и родословием бесконечным, яже стязания паче творят, а не Божие строение еже в вере. И по апо столову слову, яве много не Божие строение в певчих переводех, но пачеже безу мие и хула на Бога. И паки той же: скверных же и гугнивых басней отрицайся, обучай же себе ко благочестию**. Телесное бо обучение, в мале есть полезно, а бла гочестие на все л. 50. полезно есть, обетование имея живота нынешнего и грядуще го. От толкования златоустаго: басни не закона глаголет, не буди: но притворе ния, и растенныя пенязи, и отверженыя догматы. Лет бо есть сущим от иудей в неполезных все слово изнуряти, деды и прадеды счисляющим. Якоже и у нас ныне мнози глаголют, деды и отцы и прадеды сице пели по тем переводом, да якоже се искусства многаго и повести мнение имут. Ниже что есть бесконечным, сиречь, конца никоегоже имущим, или ничтоже полезное. Сице златоуст: видите христо подражательнии и друзи его, како Павел повелевает скверных и изгнивших басней отрицатися, к Тимофею рек. А в певчих переводех воистину л. 50 об. гнилых словес много и басней, того ради и нам отрицатися подобает сицевых, и приступати к здравым словесем церковных книг, зане рече Павел верно слово, всякому при ятию достойно, яко Христос Иисус прииде в мир грешники спасти, то них же пер вый есмь аз***. Внимай, всяк православный читателю, еже рече Павел, яко Христос Иисус прииде в мир грешники спасти, а не Христосо прииде. Той же сосуд Божий избранный, и небесная ластовица, вселенский учитель, треблаженный Павел вос певает: всяко слово гнило да не исходит из уст ваших****. Златовещанная же цев * аминь аминь, глаголю вам, не входяй дверьми во двор овчий, но прелазя инуде, той тать есть и разбойник – Ин.10:1.

** скверных же и бабиих басней отрицайся, обучай же себе ко благочестию – Тим.4:7.

*** Христос Иисус прииде в мир грешники спасти, то них же первый есмь аз – 1Тим.1:12.

**** всяко слово гнило да не исходит из уст ваших – Ефес.4:29.

ница Иоанн всепредивный, сия его словеса, толкованием бряцает, что есть гнило.

Еже глаголет, инде и праздно, л. 51. клевета, сквернословие, кощуны, буесловие ни же. Не о вещех бо точию, но и о глаголех приимем казнь. Паки святаго Павла: но аще кое благо есть, к созданию потребы да даст благодать слышащим*, сиречь еже созидает ближняго, то вещай токмо, а излишнее ничтоже. Сего бо ради и уста и язык даде ти Бог, да благодариши Его, да созидаеши ближняго. Зане аще разоряеши здание, лучше есть молчати, и никогдаже вещати. Ибо руце художничи, вместо еже исправляти, навыкши разоряти, отсещися достойни суть. Ибо псаломник сие гла голет: потребит Господь вся устны льстивыя**. Сия уста всяческим суть виновна злым: паче же не уста, но иже зле тех л. 51 об. уст потребляющи.

Отсюду досады, поругания, хуления, воспаления сластей, убийства, прелю бодеяния, татьбы, все от сего раждаются, ниже и паки аще научиши никого же злоречити, наипаче того наказал еси, и благодать ему даде. Аще о умилений, аще о благоговении, аще о милостыни беседуеши, вся сия умягчают его душу, о сих всех благодать исповесть, аще же смех подвигнеши, аще скверно вопрошаеши, паче воспалил еси, аще похвалиши злобу, низложил еси и погубил. Ниже зриши ли, яко еже присно наказует, сие и ныне глаголет, комуждо созидати ближняго пове левая по силе своей, иже инех убо сим наказует, много паче себе. И еще святого *** л. 52. Павла: и не оскорбляйте, рече, Духа святаго. Златоустаго: ужаснейше и страшнейшее сие, еже и в послании к солуняном глаголет, и тамо бо нечто рече:

отметаяйся не человека отметается, но Бога. Сице и зде, аще речеши досадитель ный глагол, аще уязвиши брата, не онаго уязвил еси, но Духа опечалил еси. Таже и приложение благодеяния, да большее будет оклеветания, и не опечаляйте Духа Святого, рече, о нем же знаменастеся в день искупления, сей ны показа стадо цар ско, сей нас о всех прежних изведе. Сей не оставил есть лежати с повинными гневу Божию, и ты ли опечаляеши его. Зри, како тамо убо страшне, отметаяйбося, раче, не человека отметается, л. 52 об. но Бога. Зде же посрамителие, не опечаляйте Духа святаго, рече, им же знаменастеся. Вонми зде, всяк сын восточныя церкве сион ския, и разсмотри прекрасная словеса верховнаго апостола с толкованием пре мудраго Златоустаго, выше писанная, и разсуди вся со испытанием по заповеди Спаса Христа истиннаго Бога нашего, и виждь, яко аще кто что смехотворно и скверно провещавый, душу брата к злобе паче воспаляет и низлагает ю и погуб ляет: и досадительным глаголом уязвляяй брата, не онаго уязвляет, сиречь раз дражает, и на гнев воздвигает, где явятся, и что сотворят несмыслении и безум нии, иже не братию л. 53. свою словесы смехотворными и буесловными к злобе по ощряющии, 91-ниже досадительными словесы тех уязвляющи-90, но самого того творца всех непостижимаго и неприступнаго Бога Духа Святого от единаго Отца исходяща безначальне и на Сыне почивающе нераздельне, и вездесущаго и вся исполняющаго, хулящии в пении буесловными и церкви неприличными речень ми92, и страшному его величеству досаждающии, идеже бо великий богослов Ио анн Дамасково солнце, иже вселенную истинным богословием просвещающее, в высоких песнех, еже есть в степеннах Духа Святаго православне богословя воспе вает: Святым Духом всяка тварь л. 53 об. обновляется, паки обращающися на пер вое: равномощен бо есть Отцу и Слову. Ту сии малоумнии и ненаучении богосло вию, сию страшную злохульне превращают, и вместо похвалы оныя прекрасныя Святому Духу, мняще честь приносити, досаждают, неточию некрасными, но и несмысленными реченьми, и воспевают сице: Святым Духоме всяка тваре обнов * да даст благодать слышащим – Еф.4: ** потребит Господь вся устны льстивыя – Пс.11:3.

*** не оскорбляйте Духа святаго – Еф.4: Пог. 1559. нет Пог. 1559: речьми ляется, обращающеся на первое, равеномощено бо есте отецу и слову. Оле без страшия и буесловия сих ненаказанных! И се бо еже поют обновляетеся и обра щающеся, зело первому разуму противно есть. А еже вместо Духом Духоме, и вме сто Отцу Отецу в пении глаголют, зело Отцу и Сыну и Святому л. 54. Духу, не то чию не похвально, но и хулно. А еже от конечнаго безстрашия воспевают вместо равномощен бо есть Отцу и Слову, равеномощено бо есте Отецу и Слову, се есть последняя хула на Бога и нечестиваго злоречия от род. Ужаснися небо и земле, слышав сия, и вы невещественнии чинове, вострепещите о сем, како иже от вас на небеси Дух святый равномощен Отцу и слову поемый, на земли от неученых и перстных и безстрашных человеков, равено мощено есте отецу и слову хулосло вим есть: и того самого Духа равномощнаго Отцу и слову умолиме, да незлобивым своим милосердием даст оным несмысленным разума дар, да от л. 54 об. хуления сего представше всезлаго тии несмысленнии преставше, с вами и с правомудрст вующими страшное его величество воспоют по достоянию. К ним же обратившеся ныне с пророком сице рцем: разумейте, безумнии в блудех, и буйи некогда умуд ритеся, и приимите наказание, да некогда прогневается Господь, и погибнете от пути праведнаго, сиречь истиннаго богословия. Вскоре бо возгорится ярость его, аще не престанете от злохуления сего исходящаго из уст ваших. Не всем убо сия глаголем, но иже не превратне и не отложне к безумию сему прилежат паче же и похваляют, и крепятся на буесловии сем стояти. Темже поминающе Господне сло во, якоже л. 55. глаголет сам Господь наш Иисус Христос, ищите и обрящете: тол ците и отверзется вам*. Испытайте писания, яко вы в тех мните живот вечный имети. Внимайте самому Духу Богу, молим вы, како наказует к писанию присту пати, и испытати, аще кое есть правда. Зри, тамо убо еже ищите, о молении гла голет и зельном желании: а зде еже испытайте писания, несть истязательныя вво дящаго труды, но изгоняющаго. Рече бо, испытайте писания, сиречь яко опаство их разсмотрити и ведети, не да присно взыскуем, но да престаем взыскующе.

И добре рече: запрети неким не инако учити, ниже внимати баснем и родословиям бесконечным [Павел], яже л. 55 об. стязание подают паче, нежели строение Божие еже в вере. Тако убо и у нас в певчих переводех многое нестроение, многая хула, многая ересь. И нам писание повелевает в научения различная и странная не прилагайтеся, се есть к разсуждению добраго же и злаго. Гортань убо брашна вкушает, душа же искушает словеса, якоже рече златоуст, и вы разсудите, кое лучше, церковным ли книгам верити, и пети по них истинным богословием, еже рещи, Святым Духом всяка тварь обновляется, паки обращающися на первое:

равномощен бо есть Отцу и Слову. Или по вас: Святым Духоме всяка тваре об новляетеся, л. 56. равено мощено бо есте отецу и слову. Видите и сами, что несо гласно. Тем же помилуйте любоспорливии самих себе, и разсудите, молим вы, что есть угоднее Духу Святому в пении приносити, равномощна ли Его Отцу и слову исповедати, якоже и непорочная богословия учит, или по вашему несмысльству глаголати равено мощено бо есте отецу и слову, еже отнюдь Духу Святому не по хвально, но и досадительно. Вопросим вы, что у вас се равено мощено бо? Рцыте нам: что равено и что мощено бо. Но вемы, яко вы потемненнии мраком неуче ния, ответа нам по истине не даете, но точию безумием надмени, по вышеречен ному о вас л. 56 об. поете. Тем сама церковь Божия нам благородие свое и всем объ являет, и нас сынов своих во истине стояти укрепляет: и вас ненаказанных, аще восхощете вразумитися от нея, научит сице вещающи: еже бо равномощна Отцу и Слову Духа Святаго славити, се от святых апостолов и вселенских соборов благо честивне аз приях. А еже глаголати в пении о Дусе святем неприступном Бозе ра вено мощено бо есте, се никакоже от православномудрствующих слышах, ниже приях: но безумнии и ненаучении писцы неразумием своим и безстрашием сие пе * ищите и обрящете: толците и отверзется вам – Мф.7:7.

ние вносят, и тем Духа Святаго похулят, и мене оскорбляют. И збывается на них слово блаженнаго Павла, л. 57. неразумеюще бо, рече, ни еже глаголют, ни о них же утвержаются. Что бо сего неразумнее, еже тии вещают равено? А сего речения во всем славенском языце несть. А мощено и есть, егда глаголется поле, или дворище чим мощено, но ко оной высокой богословии и божественной песни сие речение отнюд не прилично. Ибо божественный Дамаскин не о мощении, ниже о мосте не коем, но о равномощстве Духа святаго со отцем и Сыном, во оной красногласной песни глагола. Тии же неразумнии сего не разсудивше, и в непорочную ону песнь неприличное и досадительное Духу святому равено мощено бо вместо истины, л. 57 об. равномощен бо, вложиша, и приложиша к сему и сего хульнее, вместо есть есте. Увы, откуду тии ненаказаннии, сие есте, к страшной оной песни прилагати прияша? Вем, яко от диавола, помрачившаго сердца их, неведением взяша. Не разсмотриша бо сего глупии, яко есть числа единственнаго, лица третияго, еже и по истине божественным Дамаскином во оной дивной божественной песни поло жено. Есте же лица втораго, числа множественнаго, еже никакоже прилично, но оной чудной песни и истине противно, и от неразсмотрения и окаянного неведе ния, тии буйи, во оную л. 58. страшную песнь сие есте приложиша. К ним же сыно ве мои не помрачении неведением и не просмрадившиеся хулением, рцыте сице: о како вы противляющиися истине, смеете пети во оной дивной песни вместо есть есте. Никтоже бо ин равномощен есть Отцу и Слову, точию Дух Святый несоздан ный и единосущный тема двема невидимыма лицама. Вы же, о ненаучении, к ко му глаголете равено мощено бо есте отецу и слову? Ибо есте числа множественна го, якоже рехом и ко многим лицам глаголется: якоже и Христос во Евангелии, егда ко учеником своим глагола, вы есте свет миру. Егда же о Себе и о Отце л. 58 об.

провеща, тогда единственным числом рече, аз есмь лоза истинная и Отец мой де латель есть. Вы же неразумнии како смеете во оной страшной песни вместо есть есте глаголати. Устрашитеся, о ненаучении, содрогнитеся, о несмыслении, ужас нитеся, о буии, восплещите, о человецы перстнии, иже ни себе ведящии93, покай теся скоро, прежде даже не варит вас смерть напрасно находящая. Покайтеся, да не на вас сие реченное збудется: хулящим бо рече на дух святый не отпустится ни в сий век ни в будущий, аще бо на вас сие збудется, то почто ся родили есте по Господню гласу: л.

59. обратитеся скоро к свету истины, да не на вас збудется бла женнаго Павла речение: аще рече аз или ангел с небеси благовестит вам паче еже приясте, анафема да будет*. Сие же Златоуст толкованием изъясняет, не рече аще противная возвестят, или превратят все, но аще и мало нечто благовествуют паче еже благовестихом вам, аще и худое что подвигнут, анафема будет. Сия слышаще, убойтеся и устыдитеся, вы бо не малое что от божественных догмат двизаете, но самую главизну благих разрушаете. Что бо сего больше еже истинно славити в Троице Единаго Бога? Вы же л. 59 об. от нерассуждения и несмысльства словеса Дамаскина, яже от чистыя своея души церкви божией благовести и предаде, пре вращаете и искажаете, и тем непостижимому существу божию досаждаете. Тем же о любимицы, познайтеся, и да никтоже вас льстит суетными словесы, сих бо ради предет гнев Божий на сыны непокоривыя, не забывайте убо с причастницы сим.

Бесте убо иногда тма, ныне же свет о Господе. Якоже чада света ходите, плод бо духовный есть во всякой благостыни и правде и истине, искушающе что есть бла гоугодно Богови. И не приобщайтеся к делом неподобным и темным, паче же л. 60.

обличайте, слышали есте Павла апостола вещающа, како приобщатися возбраня ет к делом неподобным, ниже с причастником быти. А унас ныне такое дело бого угодное совершается много неправо во святых божиих церквах. Зане оставиша свет, возлюбиша тму. Оставиша здравая словеса о Господе нашем Иисусе Христе Пог. 1559: вредящии * аще рече аз или ангел с небеси благовестит вам паче еже приясте, анафема да будет – Гал.1:8.

и возлюбиша басни, и не точию басни, но и хулу к божественным песнем пригла шати. Что бо сея хулы горше, еже пети на праздник Преображения Господня, вме сто сей есть Сын мой возлюбленный, сей есте Сыно мой возлюбленный. И в сте пеннах о Дусе святем вместо сей есть Отцу и Сыну л. 61 об. единосущен Господь, сей есте Отецу и Сыну единосущен Господе. Во истину збысться на нас Павла апо стола слово, еже рече в послании римляном: свидетельствую бо им, яко ревность божию имут, но не по разуму*.**Не разумеюще бо Божию правду, и свою правду ищуще поставити, правде Божией неповинушася, якоже и сии церковным книгам октаем и Минеям и Триодем, но глупых писцов и певчих переводов искаженным речем. А каковое94 между есть и есте различие, выше вам явихом. Что же и сего буее: идеже бо достояше рещи правым падежем по Дамаскину Божия Имя Бог Господь Иисус Христос Спас: л. 61. и в певчих у нас переводех ту речется, и глаго лем вместо праваго падежа попросту рещи перваго названия Бого Господе Иисусо Христосо Сопасо. Се ли есть церковный глас? Се ли есть философский разум? Се ли есть правда? Се ли есть Богу хвала? Се ли есть Богу славословие? Никако. Но вся сия не православие, но злославие. Якоже преподобный отец рече Нил: страсти убо душевная суть забытие: уныние и неразумение. От сих се в трех око душевное, еже есть ум помрачаем, обладаем бывает от всех страстей. От них же суть сия: не честие, злославия и просто всяка ересь. Како не ересь и не хула на л. 61 об. Бога, еже вместо здраваго разума церковнаго словес якоже речеся правда: Христос при ходяй явственный Бог наш, приидет и не закоснит из горы сенныя Чистыя Деви цы, раждающия неискусомужныя. Пророк древле рече. А в певчих Христос при ходя явественно Бого наше. То ли правда? Никако. Буди нам последовати церков наго гласа здравым словесем, еже рещи, Христос приходяй явственный Бог наш.

И ниже буди нам пети вне церкве отверженое блядословие, по златоусту, вместо сущим во тме и сени воплощся восия солнце, темено имой во сени воплощся восия солнеце. И неведомо что блужено л. 62. без ума писано. И ниже паки буди нам пра вославным слышати, а не точию глаголати и пети во ирмосе 2-го гласа: крепосте даяи царю нашему Господи, и рого Христа своего вознося, от Девы раждается, идете же ко крещению, и прочая. Но сице подобает пети по церковному гласу, якоже книги сказуют: крепость даяй царю нашему Господь и рог Христа своего возносяй, от Девы раждается, грядет же, или идет же ко крещению, а не идете же.

Се есть еже рещи, раждаетеся, или идете же ко крещению, вне церковнаго преда ния. А еже не от свидетельства божественных писаний приводимая, вся сия в бля дословие полагает божественный златоуст. Приведем же и л. 62 об. инаго свидетеля на среду Василия Великаго: сей в постнической своей книге сице рече: еже несть от святых проповедуема обрести, сия яко странна и чужа благочестивыя веры, всячески отрицаюся. Тако и нам соборныя церкве чадом матере нашея подобает последовати истиннаго божественнаго писания здравым словесем церковных книг, Октаем и Минея и Триодей и древним богословцом последовати истиннаго разума богословии, а не в басни укланятися. Ниже глупых писцов речем безум ным внимати, якоже и сказаша мимо церковныя божественныя книги многия ре чи по своим похотем в певчих переводех. Издалече убо л. 63. о сих Павел апостол ве ликий предвозвещая глаголет: безумие бо их явлено будет всем, ты же пребывай, рече к тимофею, в них не научен еси, и верен бысть, ведый от кого научился еси, и яко измлада священная писания умееши, могущая тя умудрити во спасение**.

Тако убо и нам ныне по апостолову слову, якоже рече к Тимофею, пребывати по добает в них же научени есмы в божественных церковных книгах речением октаев *** свидетельствую бо им, яко ревность божию имут, но не по разуму – Рим.10:2.

Пог. 1559. Яковое ** безумие бо их явлено будет всем, ты же пребывай в них не научен еси, и верен бысть, ведый от кого научился еси, и яко измлада священная писания умееши, могущая тя умудрити во спасение – 2Тим.3:9.

и миней, могущих убо умудрити нас во спасение. Тако убо повсюду православнии Христиане поют и пишут Божие имя по достоянию, якоже и у нас в велицей Ро сии95 в древних переводех л. 63 об. в харатейных ирмолоях писано Божие имя по достоянию, а не тако якоже в нынешних. И что много глаголем? В соборном из ложении великого господина нашего Филарета патриарха московскаго и всея ру си пишет: проклинаю прелагающих прямоглаголемое слово, еже есть Един свят, един Господь Иисус Христос в славу Богу Отцу, аминь. Видите ли, како прокли нает собором прелагающих имя Божие? А у нас не прелагают ли Имя Божие в певчих переводех? Ей всяко егда глаголет Бого Христосо Сопасо или Христосомо.

Аще ли же вся святыя книги вещают тако, и вси иже христиане кроме нас, л. 64.

согласно со святыми книгами во ирмолоех пишут Божие имя и поют: и в нашей велицей Русии в древних переводех, в харатейных ирмолоях Божие имя согласно писано со святыми книгами. Почто мы единии ныне поюще хулу глаголем, не по мышляюще за сие геенны? Якоже божественный златоуст пишет о глаголющих не по правде божественная писания, глаголя: тчения паучиная да не вводим ризе царстей. Аще бо ят будет на порфире узор ненарочит плетый, последнюю приимет казнь, много паче в духовных, немало бо отсюду согрешение бывает. И паки гла голет: от единыя точки и от отвещания самаго чтения много л. 64 об. множицею безместная родишася разумения: то колми паче от сего еже целая имена Божия превращати и по своему злоумию ухищренному яже несть писанием божествен ным церкви божией предана, сия в ню вносити, и Бога бесчичтити, якоже и бла женный Павел вещает, иже в законе хвалишися, преступлением закона Бога бес чествуеши, яко Имя Божие вас ради хулится во языцех. А унас ныне нами самеми хулится Имя Божие во певчих переводех. Видите, в единой точки не попущают святии чрез праведное прелагати, а унас в певчих переводех многа словеса и раз вращена и неправа, и хулы и ереси пристойна. Ниже убо беснии сице вещают. Ка ко убо не хулитися л. 65. нами Имени Божию, якоже вещает Блаженный Павел? Ей всяко, зане несогласное поем с церковными книгами, и преступники являемся божественнаго церковнаго предания святыми отцы. Услышим слова силу. Вон мем, всячески писание запрещает своих нам ухищрений престати, и смрада буести в церковь Христову не вносити, якоже глаголет Мелетий патриарх александрий ский. Но речем ли оправдающе себе и паки, яко аще и тако поем, нарицающе Бо жие имя не по достоянию, но сердцем по достоянию разумеем, аще же сие по не научению неких и новому вымыслу тако есть, то почто исповедание веры по рим ски лживо. л. 65 об. В сердцы же точию право разумеюще не глаголем. Почто истии мученицы лестию устами Христа не отвергошася, токмо бы сердцем право веро вали. Но несть се несть, ни буди. Но даждь нам, Боже, якоже в Тя сердцем верова ти, тако и усты исповедати: якоже рече блаженный Павел, сердцем бо веруется в правду, усты же исповедуется во спасение. Познахом ли истину, или еще льстим, недеющеся оправдания о гресех. И аще прежде писания свидетельствова от боже ственнаго писания нас не увещаша, то поне от хотящаго еще написатися наказав ся устрашимся, тщащеся в пении хулы не л. 66. глаголати, воспоминающе, како Кириак он презвитер не ведая, имел у себе в хримине два слова еретическа в книзе написана, и того ради Пресвятая Богородица не вниде к нему в храмину, иже по том глаголя, не имех бо ползы никоея от них, токмо погибель себе приобретох. Но мы почто поюще хулу глаголем? Ибо мы не скомрах, он иже хуляше Пресвятую Богородицу: иже и зде казнь восприят, отсечене бо обретотеся руце его и нозе. По что, паки реку, поюще хулу глаголем? Понеже мы не отрок оный, о нем же пове дает святый Григоррий Двоеслов, яко пяти лет сущ возрастом и о ненаказаний воспитанный, того ради и л. 66 об. обычай некий зол навык, и великолепное имя Божие хуляше. Сего ради умирающу ему, лукавии дуси к нему пришедше, и тре Пог. 1559: Русии петати его сотвориша. И бысть малый сей отрок, велик паче грешник воспитан родству огненному. Почто еще паки в болезни сердца рече поюще хулу глаголем, понеже мы не беснующеся? Беснующиибося убо множицею и на рожны нападают, и с берегов себе долу низревают и плоть свою зубы кусают, яко нечувствении и вне смысла. Но и таковым и при смерти не повелено есть причастия дати, аще ху лу глаголют: мы же на рожны не наскакаем, и с берегов л. 67. себе долу не низрева ем и плоти своея зубами не кусаем, яко нечувствении, но совершен смысл имамы, точию в сем едином бесным приобщаемся, егда в пении хулу глаголем, тако, яко же и беснии. К сим что речем, еще ли оправдание имате творити глаголюще, аще и поем Божие имя не по достоянию, но в сердцы то по достоянию разумеваем. Ибо и бесный юже хулу глаголет не по своего сердца хотению глаголет, но бесом пону ждаем. Аще бо бы не бесен был, не бы хулу глаголал. Не хощет бо душа человеку таковая глаголати, или именовати, якоже писание глаголет. Обаче не повелено есть бесному хулу глаголющему л. 67 об. причастия дати и при смерти: но мы зело горше беснаго творим, егда не по достоянию Божие имя поем, паче же в пении ху лу глаголем, якоже и бесный. Бесный убо аще и глаголет хулу, но вне ума своего:

мы же убо ум имамы цел, а не по достоянию Божие имя поем, паче же поюще хулу Божеству наносим подобну бесным. Но что и мы сотворим в день страшнаго суда:

аще бо и сами Божие имя в пении нарицающе по достоянию, не наказующе же ниже обличающе ненаказанных пребываем и паче же сего неистовствующих рав ну муку с сими приимем. Неистови бо л. 68. во истину иже не по достоянию Божие имя в пении глаголю и хульно, якоже и еретическое хуление се есть явственный раздор церкви, ин и иная глаголя несогласная божественным писаниям, а раздор ник церковный второе Христа закалает, якоже рече Златоустый Иоанн, за еже противная закону и правилом творит: тело христово раздирает раздорник цер ковный, занеже Христос и церковь, едино тело, якоже глаголет блаженный Павел и Златоуст. И паки тойже: сего ради глаголю и засвидетельствую яко от еже в ересь впасти, еже церковь раздрати неменьшее есть зло, церковь бо есть л. 68 об.

дом Отчий: едино тело и един дух. Како же не противно сие божественным цер ковным книгам и не богохульно, егда каноны глаголют: той, кто канон глаголет, скаже на крылос ирмос, Христос раждается: а не крылосе запоют Христос раждае теся. Или паки скажет ирмос Духом предзря пророк, а на крылосе запоют Духом предозря пророко аввакумо. Или паки: Христос мне сила Бог и Господь: а на крылосе запоют Христосо мне сило Бого и Господе. Се есть явный раздор церкви.

Един скажет истину по церковному преданию и по писанию, а другии поют непи санное. л. 69. Слышите, благочестивии сынове матере нашея восточныя церкве си онския, до конца сия отринем разгласия церковная, паче же распрю и раздор. Яв ный се есть раздор церковный. Вонмем всею душею словесем блаженнаго Павла апостола, еже рече в послании к римляном: молю же вас, братие, блюдитеся от творящих распри или раздоры, и соблазны чрез учения, ему же вы научитеся, и уклонитеся от них*. Тогда убо к римляном пиша глаголя сия блаженный Павел:

ныне же нас поучая глаголет, блюдитеся, рече, о творящих распри и раздоры и со блазны, чрез учение, ему же вы научистеся, и уклонитеся от них. Мы научихомся по л. 69 об. церковным книгам Бога славити, якоже разум здравый словес положен, в том и пребудем, а сему безумию речей еже в певчих переводех раскажено пере порчено от глупых писцов, не последуем все сие, и ина многая от догмат по апо столу и по божественному Златоусту, распри и раздоры церкве. Се бо есть наипаче развращение церкве, еже разделятися се оружие диаволе, сия вся горе и долу тво рит. Донеле же бо есть соединено тело, не может входа имети сатана, но от распри или раздора или соблазна. Распря же откуду? От догмат иже чрез учение апо * молю же вас, братие, блюдитеся от творящих распри или раздоры, и соблазны чрез учения, ему же вы научитеся, и уклонитеся от них – Рим.16:17.

стольское. Видите, Бога ради молим, л. 70. иже мнимо апостольское учение и про поведь кто что учит, вся сия в бляди вменяти, и не внимати сим, занеже все тако вое распря и раздоры церкве, паче же ересь, занеже по своему плотоначалию та ковая в нас бывают, а любоначалие мати ересем есть, якоже той же Златоустый глаголет: ибо рече церкве имя неразделения, но соединения, и согласия есть имя.

Сице Павел великий и златоустый вещает о соединении церкве и о раздрании. Ус рамимся святых сих писаний, пече же устрашимся, да не с богоборцы обрящемся, и суд и месть приимем. Како не подражаемь диакона оного л. 70. искус имеющаго Божественных писаний, иже и святаго оного презвитера оглаголаваше во время божественныя литургии: глагола сия яже глаголеши в литургии, отче, не суть православныя веры, но еретическия, и неверных, той бо святый презвитер приял бе презвитерства чин от некоего епископа еретика, яко прост и груб, паче же не искусен божественных писаний и не внимая глаголанным от диакона, понеже на деяся, яко святыя ангелы зрит всегда служити ему. Диакон же глаголаше, хули ши, отче, не приемлет бо святая и божественная церкви, и не преста обличая его, донелиже преглагола его. л. 71. Узрев бо святый он презвитер ангелы, по обычаю служаща с собою, и вопроси я, глаголя: се слышите что глаголет, рците же ми, аще добре совещавает. Реша же ему ангели, послушай его, понеже добре совещава ет ти. Рече же к ним святый он презвитер, почто не рекосте вы, да бых исправил ся. Отвещаша же ему ангели понеже Бог повеле, да человек от человека учим бы вает и ползуется, и прочее исправися презвитер, благодаря Бога, яко не попусти его конечне прельститися и погубити труд свой. Да аще святаго погибель трудом хулы ради в догматех и в служении церковныя божественныя л. 71 об. службы от зловерия, кольми паче мы труды и подвиги спасения наше погубляем в пении глаголюще благостудная имени божию нарицание, вместо Бога Бого, и вместо еже рещи Христос, и мы глаголем Христосо, и вместо еже рещи Спас, и мы речем Со пасо. Кто убо имый здравый разум не посмеется сему безумию, паче же рещи по великому Павлу апостолу, бесование яко же рече: братие, не дети бывайте умом, но злобою младенствуйте, умы же совершени бывайте, аще убо снидется церкви вся вкупе, и вся языки глаголют. Внидут же и неразумивии, или невернии, л. 72.

не рекут ли яко беснуетеся. Не вместо ли языков вкупе глаголющих, и у нас раз ность у крылошан с конархисты: конархисты правду скажут и по писанию, а на крыласе поют неправду и не по писанию. Сице вещает блаженный Павел, услы шим тогоже блаженнаго гласа поучающа како пети: слово Христово, рече, да все ляется в вас богатно во всякой премудрости учащей и вразумляющей себе самех псалмы и пении и песньми духовными в благодати, поюще в сердцах ваших Гос подеви*, той же блаженный инде: помолюся духом, помолюжеся96 л. 72 об. и умом, где же умом пети кому, егда поет, теменоимо и восени? Никако. Язык поет, а ум до конца без плода по апостолу. Апостол глаголет: якоже выше рех, поюще в сердцах ваших Господеви. А у нас не токмо что сердцу разумети, ниже глава разумевает, что язык болтает, яко егда речем, теменоимо и восени. Или чето шумо празде нующеихо бываете. Или о рекошеихо моне вонидемо. Где Давида блаженнаго бо гоотца и царя и пророка глас? Обличи, молим тя, блаженный царю, сицевое безу мие, обличи. Что убо блаженный пророче речеши что л. 73. сице блаженный: Гос поди Господь наш, яко чудно имя Твое по всей земли. И пойте, рече, цареви на шему, пойте, яко царь всей земли Бог, пойте разумно. Где же нас поющих разум, егда глаголем Христосо, Бого, Сопасо: или теменоимо и востени: или чето шумо празденующеи бываете. Или всемо воходо. Или песнесложити. Или яко сотвори моне величие силеныи и свято имя его, и милосте его во родо и родо на боящеихо * слово Христово да вселяется в вас богатно во всякой премудрости учащей и вразумляющей себе самех псалмы и пении и песньми духовными в благодати, поюще в сердцах ваших Господеви – Колос.3:16.

Пог. 1559: помолюся же ся его. Или паки предтече сопасово. Или соложение клятве. И ина бесчислен ная много безумная вещания в певчих переводех от глупых писцов раскаженая.

Не послушаем л. 73 об. сих, ниже будем последовати безумию их, да не горшии бо жии гнев на себе привлечем. Послушаем божественных книг церковных. Будем яко Павел, якоже и сам стой глаголет: хощу бо да вси человецы будут якоже аз**.

И паки: подобни мне бывайте, якоже аз Христу. Аще и в прелести сих ныне безу мия поем, и пели по певчих переводов разума, пачеж безумия, ныне сие отрицаем, и яко новопородимся благодатию святаго Духа словесы божественных церковных книг разума, видите что рече и Павел вещая о себе в послании к Титу: бехом бо, рече, иногда и мы несмыслени, и непокориви и прельщени, работающе л. 74. похо тем, и сластем различным в злобе и зависти живуще, мерзцы суще, и ненавидяще друг друга, егда же благодать и человеколюбие явися Спаса нашего Бога, наслед ницы будем по упованию жизни вечныя, внимати потреба сим словесем Павла апостола, како он не срамится своею злобою, яков бе прежде, но всем явна себе показует мерзостника и гонителя прежде осиянна благодати Божии. Тако ныне и вы и мы, егда от сия благодать Святаго Духа сердца наша и уразумехом, что хулу на Бога приводим, поюще по певчих переводов разума, отринем сие нечестие от себе и исправимся, и будем последовать разуму и речем, паче же в богословии свя той л. 74 об. и высоковещанной церковных книг якоже многажды рехом, по апосто лу, ко всякому делу благу готови будем послушати. Се ныне прочее показася сви детельство от божественнаго писания, разуму и неразумию: правде и неправде.

Здраваго разума словесем и гнилаго. И о сем яко Бог повеле, да человек от чело века, ангели рекше, пользуется. Тако же и се уведено бысть, како диакон оный не преста оглаголывая святаго оного презвитера, до нележе преглагола. Видите, гос подие наши еще и свята мужа оглаголати не отречеся, и тако свята, яко и ангелы сподобишася видети, внегда служити ему литургию, и того оглаголаваше, да еще во время л.


75. литургии: мы же от дне до дне отлагаем еже исправляти братию, из ветом ожидания потребна времене, сей же и часа единаго не помедли и абие от глагола и исправи, еже и больша себе саном, презвитера оглаголавше, сам же бе диакон. Тем же в день страшнаго суда истезани будут не едини точию сии, иже в пении Божие имя не по достоянию нарицают, но и ведящии их таковая зло по ющих, и не исправляюще, ниже обличающе: паче же имущии власть возбранити, и не возбраняюще от таковаго нечестия: не воспоминающе писанного, яко аще и велией премудрости поучается кто, прочих же братий погибающих презирает, не едино имать стяжати к Богу л. 75 об. дерзновение. И паки великий Василий глаго лет: аще рече кто соседе согрешающа, и могий возбранити греху и не возбранит, толико и той запрещен будет, елико и грех сотворивый. И паки: аще кто живет благозаконне, терпит же беззаконне живущим яко споспешник у Бога злым су дится, и на ином месте яко се имать правда, понеже яко о злой вещи добре разуме ти, тако и добрую вещь зле вдавати, един грех быти сужу. Темже потщимся [конец Пог.1559] исправляти братию, да милость Божию на себе привлечем. Пишет бо ве ликий Иоанн Златоустый, глаголя: аще бо и тмами кто издает имения, ничто же таково л. 76. соделовает, елико душу спасаяй и от прелести отводяй. Но вемы, яко диавол извет влагает нам возбраняют братию, якоже он на погибель хощет нашу.

Не солга бо святый Авва Дорофей, глагля, ни едина бо злоба, ни едина ересь, ни сам диавол может прельстити того, точию образом добродетели. Но не уклони, Господи, сердец наших в словеса лукавствия, мнети оправдания о чудесех. Яко ты еси просвещение лежащим во тме. И от тебе есть всяко даяние благо и всяяк дар совершен. И тебе славу возсылаем Отцу и Сыну и Святому Духу, ныне и присно и во веки веком, аминь. Молим и просим и милися деем, яко еже что л. 76 об. скораго ради писания словес забытие, ради ума и ниже что на память прииде, зде дочитай ** хощу бо да вси человецы будут якоже аз – 1Кор.7:7.

и в разум себе собирай и правду от лжи отделяй, всякий православный читателю.

Велика бо злоба и злая ересь в певчих переводех во многих бесчисленно речех, ово от переводчиков несвершено ведущих с греческаго языка на словенский, а наибо ле от безумных глупых писцов вся сия злая содеяшася. Не мы, но Златоустый вам и нам яве скажет, откуду сие зло насадися и возрасте. Яве убо есть, яко от неведе ния и не по прилежания божественных писания разумений. Ибо отсюду бесчис ленная прорастоша л. 77. злая. Отсюду многа ересей прозябе пагуба. Яко и на ином месте той же рече. Сие всяческим виновно есть злым, еже не ведети писаний. Без оружия идем на брань, и како подобашеся спасти. Возлюбленне с сими спастися, а не кроме сих. Овчата есте, но не безсловесная. Многая и вам павелевает. Не вся на ны пометайте, якоже виновно есть всем злым веры отступление, тако всем благим вина есть смиренномудрия. Послушайте, молю рече вси житейстии людие истя жите книги цельбы душевныя. Аще ничтоже ино хощете, поне новый завет стя жите: апостол, деяния благовестия учителей л. 77 об. всегдашних, аще бы мы вни мали, божественным писаниям, не бы впадали в беды сия еретическия пагубы, якоже зде хощет слово рещися. Бога ради молим, внимайте разумно. Во втором гласе в шестой песни ирмос: начало ему глас глаголал. А в певчих переводех на писан сице и поют тако: гласо глаголо молебу из болезнены владыко душу послу шаво, ото люто мя избави, един бо еси нашему спасению повинико. Что же се, не что же ино, точию богохулен сий ирмос по певчих переводех и ересь в нем. Что же ересь в нем: ересь в нем се за еже Бог никому же повинен, но Сам вина всяческим, еже быти: л. 78. той бо рече и быша, той повеле и создашася. Ниже божество по винно бысть, тварем сущим от него, но виновно всем сущим, сиречь подательно существа и дыхания и живота, и плода и бесплодия, а во ирмосе в конце написано, един бо еси нашему спасению повинен. Не поет ниже приемлет церковь божия ху лы сея, еже повинено, но виновен, яко же глаголют велиции святителие Анаста сий патриарх антиохийский и Кирилл александрийский во изложении своем: с сими святители и мы едино глаголем: Бог есть существо неповинно, но вина вся ческим, сиречь всесилен всемогий и всякия вины и естества преестествен. Како л. 78 об. убо в певчих переводех писано и поют: един бо еси нашему спасению пови ненико, сиречь повинник. Не буди нам сице мудрствовати и писати по певчих пе реводех, еже пети нашему спасению повинник. Но виновен или вина, или пода тель нашему спасению. Прочее и весь сий ирмос не по правде поют и противно.

Внимай, здравый разум ирмоса сице: глас глаголов молебных из болезнены вла дыко души послушав, от лютых мя избави: един бо еси нашему спасению виновен.

Се есть правда. Сице подобает пети и славити Бога по церковному гласу. И не до сего точию, но и втором гласе в пятой песни поют и пишут ирмос: Углие Исаия проявлеся л. 79. солнце. Девически из утробы восия, во тме заблуждешиимо бого разумия просвещение подавая. Ниже в сем ирмосе без хулы Божию имени. В правду рещи, но и во многих аще по ряду писанием объявити, не достает бо ны ле то повествующим. Во исаиине пророчестве, в шестой главе пишет: и бысть в лето в неже умрет Иозия царь, видех Господа Саваофа седяща на престоле высоце и превознесен и полн славы дом его. И серафими стояху окрест его, шесть крил дру гому, и взываху друг к другу глаголя: Свят Свят Свят Господь Саваоф, исполнь вся земля славы его. Ниже и пустися ко мне един от серафим, рече, и в руце име яше угль горящ, его же клещами л. 79 об. взят от олтаря, и прикоснуся устен моих*.

Внимати потреба пророка гласу. Ко Исаии серафим послан бысть, то уже по сему * и бысть в лето в неже умрет Иозия царь, видех Господа Саваофа седяща на престоле высоце и превознесен и полн славы дом его. И серафими стояху окрест его, шесть крил другому, и взываху друг к другу глаголя: Свят Свят Свят Господь Саваоф, исполнь вся земля славы его. Ниже и пустися ко мне един от серафим, рече, и в руце имеяше угль горящ, его же клещами взят от олтаря, и прикоснуся устен моих – Исайа 6:1-6.

пети подобает, угль Исаин прежде явльшийся, а не угле Исаия, яко же в певчих переводех. И паки солнце от утробы девическия восия, или солнце из утробы де вическия восия, во тме заблужденым богоразумия просвещение подавает, или да рия, или подаде, и не тако, якоже в певчих переводех, угле исаия проявлеся: солн це девически из утробы восия: се есть хула Божеству, еже Христос рещи по деви чески родился от утробы Богородицы Тем же весь вкупе рцем сий ирмос здраваго разума слогом в познание л. 80. Бога любящим и во исправление во обличение же лести и безумия. Паче же ереси: угль Исаии прежде явльшийся, солнце от утробы девически восия, во тме заблуждением богоразумия просвещение повелевает. И паки в осмой песни ирмоса во втором же гласе: в певчих переводех сице: во пещи отрочестей прообразил еси иногда свою Матерь Господь. Образо же сихо огня из бавляше неопалено вошедошимо: яже поимо явлешуся тобою концеми денесе, и превозносите его во веки. Внимай, како противно здравому разуму и сей ирмос поют. В добрых же переводех сице: в пещи отрочестей предобразил еси иногда л. 80 об. свою Матерь. Господи се бо образ от огня тех избави неопально в нем хо дящих: яже поем явльшуся тобою концем днесь, и превозносим во вся веки. Како не безумие в певчих переводех от глупых писцов неведущих ни рода, ни падежа, ни числа, ниже времени и залога. Коеждо бо речение в коейждо части слежит, и свое собьство имать по содержанию. И не сие точию, ниже точек и запятых и дво точия и пробелов. А богословии святыя и высоковещанныя паче же рещи глубо чайшая в высоко вещанных словесех и возбранителныя еретичествующих бляди вым словесем о сем у тех писцов и слух не бывал. л. 81. Того ради и изгублен разум, добре бо о сих Максим преподобный старец глаголет, безумный, якоже и аз, рече, весма от сих благошественных всех в неподобны нисходит, добле умне же ходяй по сих не заблуждает, безумный же всегда якоже и свиния к вышним разума слове сем зрит, ниже потщание о сем имеет, но долу и в пагубу умом своим низводится, ниже размышляет о себе в полезных: якоже и в сем ирмосе, аще и ереси в нем на глыя несть, но обаче церковнаго гласа разуму противен. Почто того ради якоже рещи, здраваго разума словом сей бо образ от огня тех избави неопально в нем хо дящих. л. 81 об. В певчих же образо же сихо огня избавляше неопалено вошедоши мо. Внимай, како противитися безумне благоумию: се есть зело худо, и разгласие, паче же раздрание церкве. А шестаго собора по 19 правилу, се есть и правда, еже что от истинных писаний сказуемое и почитаемое. А еже что не от истинных пи саний нововводимое, все сие в бляди полагает Златоустый в слове, о еже насади Бог рай на Востоце и не слушати таковых повелевает, но и уши затыкати. Зри и на ином месте его нас поучающа, писание цело сохринити. Подабаше бо тебе, рече, вдати сребро торжником. Тем же аще ни един приемля и будет еже нам лепо л. 82.


творим, и показуем ничесоже излишнее, ниже туне обносимо в писаниих. Аще бо некии же имело бы то прибиток, ниже приложено бы к посланию, ниже Павел на писал бы яже написа. Но сице бо неции суть невежды и ленивии и небес недостой нии, яко не точию имена, но и целыя книги излишния быти разумеют, яко левит ския, Иисуса Наввина, и иных множайшая. Сице и древний завет мнози от безум ных отрицающа, и путем шествующе, иже злаго сего обычая. Многия от новаго завета отсекоша. Не о сих убо аки пьяных и плоти живущих не многое нам слово.

Аще ли же кто любомудрия рачитель и духовнаго слушания друг, л. 82 об. да слы шит, яко ниже малая мнящаяся быти в писании, ту не лежат и всуе и яко и ветхия мног приносят прибыток. Сия бо все образы и к наказанию нашему написаны, суть рече. Темже и к Тимофею глаголаше: внимай чтению утешению, влагая его в чтение всех ветхих книг, человека иже толикаго Духа имущих, яко и бесом прого няти, и мертвых воскрешати. Да слышат вси иже здраваго разума в божественных писаниих не ведящии ниже разсуждения имущии, повелевают паче же и принуж дающа писанием святым внимати и цела сия сохраняти, ниже в малом чем попу щающа Златоустаго развращати. л. 83. А у нас явно развращают, яко же и се: в не делю не утрене по канонех и по достойне и по ектении священник скажет Свят Господь Бог наш. На крылосе же запоют свято Господе Бого наше. Не яве ли сие противно Божию имени? Ей всяко не точию противно, но и хульно, зане неписан ное поют Кто указа сице вещати, еже рещи: Свято Господе Бого наше, вместо ис тины Свят Господь Бог наш? Кия книги вещают? Кое писание или который свя тый? Яве якоже златоустый глаголет, ненаучение и неведение божественных пи саний. О горе нашея беды. Не токмо малое что раскажено, но самая главизна бла годеяния: что л. 83 об. больше Божиих имен? Но и сия яко бы что ругательно себе быти вмениша, Бого Господе. Мы же отвещаем паки от истинных божественных писаний и свидетельствованных якоже речеся. Свят Господь Бог наш, или Бог Господь явися нам, благословен грядый во имя Господне, а не Бого Господе, и Христос приходяй явственный Бог наш, а не Зристосо приходяи явственный Бого наше. То уже печатныя книги церковныя непрямы, тем не верь, писцов нервзум ных паче же рещи глупых, что они бредят по своему безумию пишут верь тем, да еще похваляй их. О злаго неразумия! Кто о грубоумия. Кто сокровище божествен наго бисера украде? Кто свет тмою помрачи, яве убо есть яко неведение и непри лежание по л. 84 Златоусту Божественных писания разумений. Видите, господия наша, како Златоустый приводя глаголет о Адамове и сына его именем наказуя нас любомудрию, тщатель убо, рече, и отсюду обогащается, а ленивый же ниже от зело явленных что приобретает. Ибо адамле имя немало наказует нас любомудрия, и сына его и самой жены, и ина множайшая. Многих бо вещей сказания или воспо минания суть имена и Божие благодеяния, и женское наказую благомощие и бла годарение. Зачинающей бо от дарования божия, сия детей именоваху. Но что ныне о именах любомудрствуем, разумениом толиким небрегомым и многим, л. 84 об.

ниже самая имена книг ведущим. Якоже и у нас ныне, не точию имена Божия и святых Его пренебрегомы быша, но ниже самых божественных книг церковных стыдятся в любомудрии вещати октаев и триодей и миней, в них же корень суть и источник святыя богословии церковнаго восточнаго благочестия, любомудрост ных тщателей богословцев. Всяко та многа попрана быша преписующих в певчих переводех. Яве суть есть, яко превращают святое писание якоже швец старую одежду по своему разуму, и аки бы златый плат святыя богословии к ризе гнилой черной и ветхой пришивают, смысла и воли своея, сиречь л. 85. певчих переводов к развращенным и испорченным святым речениям Божиих имен и святых его, но не гласуется и сами то зрите добре, вси бо сии яко одежда обветшают и яко волна молнием снедятся: глагол же господень во веки пребывает*.

Что же имени божию в церковных книгах в существенном и правом паде жи, егда речется Христос, Бог, Спас, Иисус, преписующии не дают стояти, но пи шут не от освидетельства, по своей воли, якоже многажды рехом, Бого, Христосо, Иисусо, Сопасо. Простите нас не мы, но Златоустый Иоанн блаженный на посла ние Павла апостола к римляном в 31 беседе: аще кто не любит Господа, рече, Ии суса Христа, да бедет проклят: и вы л. 85 об. Господие наши и отцы и братия и мы бедныя с вами, положим по разсуждению общий совет по церковным любовнаго соединения законом.

И восплачемся пред Господем сотворшим ны, да остави нам беззаконная хуления наша, яже сотворихом в неведении на святое имя его: и прибегнем и при падем мудрокормнаго правительства к правителю всемирнаго корабля, к святому и благочестивому самодержцу и государю царю и великому князю Алексию Ми хайловичу всея Русии: и к святейшему великому господину в духовном чину отцу богомольцу его Иосифу патриарху московскому и всея Русии, и помолим, еже бы исправя с печатных церковных книг и с харатейных л. 86. книгу Ирмолой, Ирмосы * вси бо сии яко одежда обветшают и яко волна молнием снедятся: глагол же господень во веки пребывает – Пс. 101:21.

и октай и Стихорали, в существенном разуме речей и имен, приказати бы и пове лети им государем добрым певцом и знаменщиком противу грамматическаго ху дожетсва и истиннаго разума во именех и глаглах и в прочих частех по согласию точек и запятых и разума верных сил знамя положити, в научение и просвещение всему православному христианству, на утвержение и на истинное благочестие со борной церкви апостольской и вере православной российскаго государства, про тиву первых древних переводов харатейных, их же мы ныне вси зрим, зане в них противу церковных книг писано, якоже се вкратце сказати во извещение право славия и истиннаго богословия, а не л. 86 об. злославия.

Христос раждается, славите, а не раждаетеся. Воскресения день, просветим ся людие, а не дени, ни просветимося. Столпом огненным и облаком израиля на ставль яко Бог, а не столпомо огненыимо и облакомо израиля наставле яко бого.

Или глубине открыл есть дно, а не дено. И прочии сице. И тако будет пение всем разумно и внятно. А от разумнаго и благочиннаго божественнаго пения происхо дит всякому человеку умиление в душу и страх Божий в сердце, и умиленное по каяние и слезы.

Якоже бывый собор на Москве глаголет при великом государе царе и вели ком книязе Иоанне Васильевиче всея Русии, и при Макарии митрополите москов ском и всея Русии: и тако правда всем л. 87. ведома будет. Кто же правду зде Хри ста глаголет и высокое о нем слово. Совершенных же есть твердая пища, имущих чувствия обученная и мужеством к разсуждению добраго же и злаго*. Что же, не имеяху ли они чувсвтия обученная, ниже ли веряху доброе и злое?

Ныне не о житии есть ему слово. Егде глаголет к разсуждению добраго же и злаго, сие бо всякому человеку мощно ведати удобно, но о догматех здравых и вы соких, растленных и смиренных. Отроча не весть злую и благую пищу разделяти многажды убо и прах вложи во уста и вредное приях, и вся без разсуждения тво рит, но несть совершенно сицевое. Таковии суть всем просто л. 87 об. внимающии и без разсуждения слухи подающии неискусным и сих обвинят, аки просто скитаю щихся, и ныне убо сим, ныне же оным дающе себе, еже и при конце назнаменова глаголя в научения странна и различна не прилагайтеся, се есть к разсуждению добраго же и злаго. Гортань же убо брашна вкушает, душа же искушает словеса, и мы убо сему научаемся: и да не вознепщуеши, аще услышиши, яко несть еллин, ниже иудей, абие христианине быти, но истяжи и иная вся, зане и манехее и вся ереси в сию облекошася личину, во еже сице прельщати простейших. Но аще имамы чувства обученая в разсуждение добраго же и злаго, л. 88. возможем сице вых разсуждати.

Како же обучена бывают наша чуствия? От частаго слышания, от искуса писаний. Егда бо предложим их прелесть и днесь услыши и утре и искусиши недо бре имети, все навыкл еси, все познал еси, и аще днесь не постигл еси, утре по стигнеши. Зриши ли яко подобает обучати наш слух слышании божественным, тако яко неостранно глаголашатися того же. Но никто же хощет писанном внима ти, аще бо внимали быхом, не токмо не быхом внимали прелести, но и иных прельщающихся свободили быхом, и от бед извлекли. Крепкий бо воин не токмо себе довлети может, но и при себе стоящаго сохранити, и от супостатных л. 88 об.

вреда свободити. А ныне ниже яко писания суть ведят неции. Якоже и у нас в ве лицей Русии аще бы искусни были писанию, то не бы писали в певчих переводех речи мимо церковныя книги, и харатейныя переводы, по своей воли кийждо пи сец, како убо не по своему безумию якоже на Рождество Богородицы на великой вечерни стих, начало ему: сий день господень, радуйтеся, людие, се бо свету чертог и книга словесе животнаго от утробы произыде, и еже к востоку дверь рождшися * Совершенных же есть твердая пища, имущих чувствия обученная и мужеством к разсуждению добраго же и злаго – Евр.5:14.

ожидает входа святетеля великаго, а в певчих переводех сия реччь сице: еяже вос токомо двере рождешия ожидаете вохода. Разсудите л. 89. убо ли добро еже рещи вохода, никако. В стихе речь лежит о Богородие, еже к востоку дверь рождшися, дверию нарицает Творец Богородицу, сиречьожидающу входа святителя велика го, Христа Сына Божия, родитися от нея плотию хотяща. Не суть ли сия смеху достойна, паче же плача благочестивых душам, еже рещи, рождешия ожидаете во хода, вместо еже к востоку дверь рождшися, ожидает входа святителя великаго.

Ей, всяко. Тако же в стихе на литии. Начало ему [Что шум празднующих бывает плод багославен нам дан бысть, Богоотроковица мариа, отверзающи всем вход]97.

л. 89 об. А в певчих: плодо благопреславено намо вдана бысте Богоотрокови ца Марие, отверзающи всемо входо. Се ли есть правда, еже рещи, плод благосла вен нам дан бысть Богоотроковица Мария, отверзающи его всем вход, или весемо воходо? Не буди сице, еже рещи воходо похвалити. Се есть яве безумие и посмея ние Пресвятей Богородице, паче же поругание. Избави нас Господи от сего безче ловечия. На Крещение Христа Бога нашего, на великой вечерни, первый стих:

просветителя нашего, [просвещающаго всякаго человека, видев Предтеча крести тися пришедша, радуется душею, и трепещет, рукою показует Eго, и глаголет лю дем: сей] 98 л. 90. хотяй избавити Израиль: сице и правда, а в певчих: радуетеся ду шею и трепещете рукою показуете его и глаголете людемо. Сице ли правда? Ни како. Тамо единственнаго числа на правый падеж Предтеча радуется душею и трепещет рукою, а в певчих множество являет. Ей худо. И ина бесчислена многа хуления на точию на святых Божиих, но и на самаго Бога. И еще паки зри вни май: в харатейном во весь ирмолой зело хранены деепричастныя глаголы женска го рода единственнаго числа, еже рещи: путь глубину новосоделавшися созываю щи на веселие верныя. Начинающи Мариам.

И во втором гласе во осмой песни во ирмосе: пещь огнена в Вавилоне л. 90 об. разделение божиим велением халдеи опаляющи, верныя же прохлаждающи поюща. И в четвертом гласе: веселится о тебе церкви Твоя Христе зовущи. И воз движе на тя видевши церкви на кресте солнца праведнаго ста в чину своем дос тойно взывающи. А писан сий ирмос в лето 6790 [1282]. Како и тогда сий разум хранен диво нас объемлет, а в нынешних певчих переводех и той разум изгублен от неучения. Но вемы, яко то простоты и неискусства силы божественнаго писа ния се сотвористе мы и вы, смиримся прочее под крепкую руку Божию и тя возне сем ны в меру возраста разума Христова, да возможем постигнути Божие имя по достоянию и пети [Его, и истинным р]азумом писати, и самех себе [рад]овати, и послушающих нас. Аминь.

Здесь нижняя часть листа оборвана. Текст, отмеченный скобками, восстановлен по ненотирован ной певческой книге Праздники кон. XVI века Пог. 575.

Пог. 575.

Приложение III Инок Евфросин Сказание о различных ересех и хулениих на Господа Бога и на Пречистую Богородицу, содержимых от неведения в знаменных певчих книгах Вторая редакция по рукописи РНБ, Q.I.1101.

Фрагменты, совпадающие с первой редакцией, выделены курсивом.

РНБ, Q.I.1101.

Сказание о различных ересех и хулениих на Господа Бога и на Пречистую Богородицу, содержимых от неведения в знаменных певчих книгах Трудолюбнии от земледелник, внегда аще видят древо бесплодно и непито мо, тех губящее труды, и корене дебельством и тяготою сени растлевающе сады со мнозем тщанием отсецают то. Множицею же тем и ветр от некуду нашед, сприкуа сается сечению ветвем древа припад, и со многою потрясе зелостию: сломи же и на землю то поверже, и от труда вящшее тем облегчи. Тако убо и мы древо посеца ем дивие и непитомое, еже есть нечестие. Помолим Бога послати нам духовную благодать, яко да ветра всякаго зелнейши преложшися, искорене исторгнет не честие. Множайши нам облегчающи труд. Се бо негде и земля оледеневши, и зем леделнических не восприимши рук, злая былия и терния множество и древеса ди вия прорасти от своих недр множицею. Тако и души яже от писаний ползы не на сладившися от себе, сами же дивию сию злобу и непитомое израстивше нечестие.

Сие бо древо ни Павел насади, ни Аполлос напои, ни Бог возрасти. Но насади убо ненаказание и непочитание божественнаго писания. Напои же возношение и ве личание. Возрасти же славолюбия желание. И потреба нам духовнаго пламене яко да не точию исторгнем, но сожжению злый сей корень предадим. Призовем убо самаго хотящаго всем человеком спастися, и в разум истинный приити Бога и по молим, яко да язык наш ко множайшему подвигнет и мысль нашу к явственней шему отверсти глаголемому разуму. О том бо самом и того славе весь труд наш есть, паче же о спасении нашем. Бога бо никтоже бесчествуя повредити возможет, ниже хваля светлейша изъявит: но во своей присно пребывает славе, ниже благо хвалением возрастая, ниже умневаем злохулением. От человек овии убо славяще его по достоянию, паче же по достоянию убо никомуже мощно есть. Противу же силе своей еже от славословия пользу плодят. Хулящии же его и охуждающии свое погубляют спасение. Тем же вожделением желах прежде даже не отсуду, вашему благочестию некое дарование духовное оставити. Да не угодия ради плотяных че ловек, разорится истинная красота церкви божия. Внегда бо видех церковь Хри стову честною Его кровию искупленную от клятвы законныя, отвсюду враги про тивящиися попираему и нещадными волки пришедшими в мир без милосердия пожираему. Тем же поминах словеса пророческая, еже некогда и господь наш Ии сус Христос рече: жалость дому твоего снесть мя.

Кто бо есть от благоверных и благоразумных, егоже не подвиже жалость, зряще светлость церкви Христовы не падение клонящуся. Или кто не смирится и не смутится видя виноград Богом насажденный, егоже объимают вси мимоходя щии путем, разорения ради оплотов его. И поедает его инок дивий, и вепрь от луга о злоба и. И никтоже может стати противу ярости его, скудости ради духовныя броня, еже есть слово Божие. Или кто не умилит сердца своего и не плачется, зря ще разорение церкви Христовы, и испровержену хвалу его от поющих по знамен ным книгам. Яко волцы тяжцы нещадно расхищают и распужают овчее стадо христово. Различныя бо составы и многообразные лукавства обстоят ны. Пре лстил бо есть нас злейший обычай, и великим злым винам бысть развращение человеческое предание.

Сего ради утробою моею болезную и зельне распалаюся, и душею моею со драгаюся зря посреде церкви российския возрастшу тернию от недобре смыслящих насажденный в красногласном пении и всех души верных убодающь от мала даже до велика, иереи же и мнихи. И восхотех воздвигнути много волненный мой ум к сказанию о том красногласном пении, но не вем како начати: невежда бо есмь и поселянин. Но понеже людие молчат, камение возопити понудися. Весть бо Гос подь Бог мой един сведый сердечная, яко в его пресвятое имя умыслих и составих сие писание.

Сего ради благодарю тя Боже мой и величаю твое пресвятое имя и прекло няю колени мои, руце воздевая, страшныя власти твоея престола подножию. Ве личеству же неизреченныя славы Твоея сие писание предлагаю, дерзнух бо на сие уповая милосердию Твоему: еже благоволи ныне прияти от мене грешнаго и ума леннаго раба твоего, твоя бо от твоих яко воистину тебе приносятся. Все бо еже дал ми еси Боже мой твое бо есть якоже и аз. Да и о мне недостойном славится твое великолепное и пресвятое имя, купно со единородным ти Сыном и всесвя тым и благим и животворящим Духом твоим. Аминь.

Вам же о Христе избранным прежде век по предуведению вечнаго Бога в народе русском сыном церкве восточныя. И всем согласующимся божественному писанию, и соединяющимся кафолической церкви преданию. Всякаго чина хри стоименитым людем братии возлюбленной: не точию еже по плоти но и по духу святыня, всем повсюду православным с любовию возвещаю.

Не якоже аз раб Господа моего сотворих се, но всесильная десница его со стави. Не по достоянию бо моему ни по силе подвига моего, но по благоволению милосердия своего, славы ради прехвальнаго своего имени, и нашего ради спасе ния. Владыка мой Христос изволи сия вся наяало же нашего действа се есть: про изволением бо всесильнаго Бога, он же рече ис тмы свету восияти, иже восия в сердцах наших к просвещению разума славы Божия олицы Иисус Христове. Тем же желанием возревновах и истину возвестити вашей любви и разумех яко се не бысть от плоти ни от крови яко в похвалу плотскую. Но благодатию и человеко любием Божиим, да писание исполнится: яко несмы довольни еже от себе что доб ро творити или мыслити, но довольство наше от Бога, да сего честная и пречест ная уста рекоша и послаша, возлюбленный читателю, испытати писания, и обре тати в нем живот вечный. Якоже и преосвященный афонский патриарх александ рийский вещает глаголя: иже хощет спастися прежде всех подобает ему держати кафолическую веру. Еяже аще кто целы и непорочны не соблюдает, кроме всякаго недоумения во веки погибнет. Вера же кафолическая сия есть, да единаго Бога в Троице и Троицу во единице почитаем, ниже сливающе составы, ниже существо разделяюще. И паки тойже глаголет: един убо есть Отец, а не три Отцы. Един Сын, а не три сыны. Един Дух Святый, а не три Дуси Святии.

Но в нынешнем роде диавол хотяй человеком погибели, введе писати во ирмолоях и по них пети еже есть страшно и воспомянути. Есть бо ирмос сице:

Крепость дайя царю нашему Господь, и рог христа своего возносяй, от Девы раж дается идет же ко крещению: и прочая ирмоса того. А иныя ирмосы писаны по достоинству, якоже и от харатейных древних ирмолоев, и нынешних печатных книг явлено всякому.

Есть же триодь под знамя на речь писана в чудовом монастыре и до ныне. А не якоже ирмосы пишут и поют у нас в велицей России богогрубно вельми. Паче же сей ирмос: егда бо поюще глаголют от Девы раждаетеся идете же ко крещению.

Такоже и во иных богословных речех пишут и поют зело богогрубно. О них же несть ныне пользе глаголати подробну за невмещание краткаго писаниица сего.

Аще бо и спроста ныне пишут и поют, но сатана тако писати и пети неспроста введе, но на погибель нашу. Может бо и от патерика или от пролога всяк познати, яко двоих ради слов еретических пресвятая Богородица не вниде в храмину Ки риака презвитера, иже потом рече: не имех бо пользы никоея от них токмо поги бель приобретох. Аще ли же сей Кириак презвитер не ведая имел у себе в храмине та два слова еретическая, и того ради не вниде к нему в храмину Пресвятая Бого родица. Тем же рече, яко не имех пользы никоея от них токмо погибель себе при обретох. Како не погибель нам писати в ирмолоех и по них пети ересь и хулу?

Ересь бо воистину и хула, еже писати и пети: от Девы ражаетеся идете же ко кре щению. То уже о трех глаголется или многих. Но несть се несть: ибо един Сын Божий воплотися от Девы;



Pages:     | 1 |   ...   | 3 | 4 || 6 |
 





 
© 2013 www.libed.ru - «Бесплатная библиотека научно-практических конференций»

Материалы этого сайта размещены для ознакомления, все права принадлежат их авторам.
Если Вы не согласны с тем, что Ваш материал размещён на этом сайте, пожалуйста, напишите нам, мы в течении 1-2 рабочих дней удалим его.